"الحياة ما بتوقف.. ضروري تحافظي على قوتك وحيويتك

"بعمري، بحسّ إني حقّقت أشياء كتيرة، وانو بعد قدّامي طموحات وأحلام كبيرة حقّقها، بيهمّني شارك بحملة تينا لأنو أهدافها متناسقة مع أهدافي وكتاباتي يلّي بتتطرّق لدعم وتشجيع المرأة على انو تكون دايماً مرتاحة مع ذاتها بكلّ عمر، وهيك دايماً بقول لبنتي إنو ما في سنّ بيقدر يحكم عليك باليأس، لازم تضلّ ثقتك بنفسك وحبّك لذاتك هو نفسو بكلّ سن، الحياة أحلام وطموحات.. لآخر نفس.

"الحياة.. يعني حركة"

الطاقة، الفرح والحبّ.. هيدي هي الأشياء اللي بتحرّكني بسني هلأ.

مشاركتي مع تينا هي فرصة لضمّ صوتي لكلّ امرأة بتقول سنّ اليأس خلص.. وبمشاركة تجربتي وكراقصة وكامرأة مرّت بهيدا السن، بدّي إثبت لكلّ النساء إنو التغيّرات الجسديّة لما منعرف نتعامل معها، ما بتوّقفنا عن الحياة بسعادة وبفرح، وانو الحركة والنشاط والحيويّة والثقة بالذات هي أكثر إشيا نحن بحاجة إلها بعمرنا.